2024-08-07
12 жніўня 1956 года работнікі будаўнічай галіны Савецкага Саюза ўпершыню адзначылі сваё прафесійнае свята.
У тыя гады будаўнікі выконвалі адну з найважнейшых роляў у аднаўленні народнай гаспадаркі і інфраструктуры СССР, якія пацярпелі каласальную шкоду падчас Вялікай Айчыннай вайны. Для таго, каб падняць краіну з руін, спатрэбілася не адно дзесяцігоддзе. Патрэбны былі новыя заводы, электрастанцыі, чыгуначныя магістралі і газаправоды, новыя дамы, бальніцы, школы…
У гэтым годзе мы адзначаем Дзень Будаўніка Рэспублікі Беларусь 11 жніўня.
Напярэдадні свята прырода кінула выклік будаўнікам-энергетыкам, але, нягледзячы на вельмі неспрыяльныя ўмовы надвор’я, персанал ААТ “Захадэлектрасеткабуд” у максімальна сціслыя тэрміны пачаў аварыйна-аднаўленчыя работы на тэрыторыі Гомельскай вобласці, што дало магчымасць хутка ліквідаваць наступствы.
Кожны дзень, дзякуючы стараннай працы будаўнікоў, наша Беларусь становіцца сучаснай і застаецца ўтульнай. Новыя тэхналогіі ў архітэктуры і будаўніцтве гарманічна спалучаюцца з захаваннем гістарычных і культурных каштоўнасцей.
Калегі, няхай створаныя Вамі аб’екты дазволяць жыхарам нашай краіны доўгія гады адчуваць бяспеку і камфорт, садзейнічаюць павышэнню якасці жыцця! Жадаем вам і вашым сем’ям моцнага здароўя, удачы, упэўненасці ў заўтрашнім дні, аптымізму і новых прафесійных перамог!